G8. Oare gebieten

De oare gebieten bestean út sportgebieten, parken en griengebieten, begraafplakken en campings en rekreaasjeparken. Ek de bysûndere funksjes krematoarium en útfeartsintrum Wâldhôf, it Learpark Drachten, it Sikehûs Nij Smellinghe en Samen Kansrijk Noarderhogeweg (SBO) falle binnen dit gebiet.

Yn de oare gebieten spilet grien en/of wetter in belangrike rol. Bebouwing leit yn it grien en/of is hjirmei omkadere. De griene en/of wetterrike omjouwing wurdt hanthavene en fersterke. Bebouwing is sekundêr oan it grien en/of wetter of hat hjirmei just in sterke relaasje.

Yn de oare gebieten lizze ek gebouwen mei bysûndere funksjes, lykas skoallen en it sikehûs. De foarmjouwing fan de bebouwing past by de bysûndere funksje. Regionale foarsjenningen hawwe in heechweardige útstrieling. Ienfâldige en/of sekundêre funksje lykas bygelyks klaairomten meie sober foarmjûn wurde, mar meie gjin sosjaal ûnfeilige situaasje opsmite.

Undernimmers kieze faak foar in eigen útstrieling. De measte bedriuwspannen ferskille hjirtroch fan elkoar. Binnen de gearhing fan in gebiet wurdt romte bean foar it foarmjaan fan de eigen útstrieling.

Yn de oare gebieten leit ek grutte kompleksmjittige bebouwing. By in kompleksmjittige bebouwing moat rekkening holden wurde mei de minsklike mjitte. De bebouwing hat in sterke relaasje mei de iepenbiere romte. Foar de begeane grûn jildt dat ekstra. De funksjes binne werkenber yn it ûntwerp. Grutte gebouwen meie net te flak en strak wêze.

• De regels moatte tapast wurde yn gearhing mei de wearden en ambysjes.
• Foar dit gebiet jilde ferskillende kwaliteitsnivo’s. Sjoch op de dielgebietekaart hokker kwaliteitsnivo jildt foar jo plan.